کِنجا بابھا ایک پانچ سالہ لڑکی ہے، جو میگھالیہ کے ایسٹ کھاسی ہلس ضلع کے دور افتادہ کھرانگ گاؤں میں رہتی ہے۔ وہ جھاڑو کی گھاس اُگانے والے ایک کسان کی بیٹی ہے، جس کا تعلق خطِ افلاس سے نیچے (بی پی ایل) زندگی گزارنے والی ایک فیملی سے ہے۔ اس کے والد کے پاس گاؤں کے کنارے، پہاڑی سے نیچے جھاڑو کی گھاس کا ایک چھوٹا سا کھیت ہے۔
کِنجا کی تین بہنیں اور ایک بھائی ہے، وہ بھائی بہنوں میں تیسری ہے۔ وہ کھرانگ کے آنگن واڑی سنٹر میں نرسری کلاس میں پڑھتی ہے۔ اس آنگن واڑی کو حکومتِ ہند کی انٹیگریٹیڈ چائلڈ ڈیولپمنٹ سروسز اسکیم کے تحت بنایا گیا ہے۔ اس ۱۵ سال پرانے آنگن واڑی سنٹر کو گزشتہ سات برسوں سے ایک اکیلی ٹیچر، ٹیریسا شابونگ چلا رہی ہیں۔
پھٹی فراک اور اپنے سائز سے بڑا گم بوٹس پہنے کِنجا آنگن واڑی سنٹر میں پورا دن گزارتی ہے۔
کِنجا اپنے سر پر نارنگی دھاریوں والے بیگ کو لٹکائے ہوئے آنگن واڑی آتی ہے۔ اس بیگ کے اندر اس نے لکھنے کے لیے سلیٹ اور مڈ ڈے میل کھانے کے لیے ایک پلیٹ رکھی ہوئی ہے۔
کِنجا کی سہیلی اپنے چھوٹے بھائی کو آنگن واڑی کلاس میں لے کر آئی ہے
ٹیچر، ٹیریسا شابونگ نے بلیک بورڈ پر کھاسی زبان میں حروف اور اعداد لکھے ہیں۔ جب ان کی سب سے ذہین اسٹوڈنٹ، کِنجا انہیں بلند آواز میں پڑھتی ہے، تو وہ فخر سے اسے دیکھتی ہیں
ٹیچر ٹیریسا بچوں کو ان کے کلاس ورک کے لیے چاک کے ٹکڑے تقسیم کر رہی ہیں
کلاس روم کے ایک کونے میں اطمینان سے بیٹھی ہوئی کِنجا، تیزی سے اپنا کام کر رہی ہے
کِنجا کلاس میں پہلی ہے جو ٹیچر کے پاس دوڑ کر جاتی ہے اور دکھاتی ہے کہ اس نے سلیٹ پر کیا لکھا ہے
ٹیچر کِنجا کو ایک نیا لفظ سکھاتی ہیں
ٹیچر بچوں سے گیت سنانے کے لیے کہتی ہیں؛ کِنجا باقی بچوں سے بازی مار لیتی ہے
مڈ ڈے میل ملنے سے پہلے، کنجا اپنی ٹیچر کی مدد سے اپنے ہاتھ دھوتی ہے
کِنجا بہت بھوکی ہے: ’یہ اپنا ہاتھ جلدی کیوں نہیں دھو رہے ہیں؟‘
ٹیریسا شابونگ کھانا پیش کرتی ہیں
کِنجا اپنی سہیلیوں کے ساتھ کھا رہی ہے
مڈ ڈے میل بچوں کے آنگن واڑی جانے کا ایک بڑا انعام ہیں۔ کِنجا بابھا (دائیں) اپنا کھانا ختم کرتی ہے۔ آنگن واڑی میں اس کے لیے آج کا دن ختم ہوا
مترجم: ڈاکٹر محمد قمر تبریز
