October thla laihawl, chawnhnu herah, chhum kara ni engin a hnuai ngaw a thing te chu chhun ve bawk mahse, Hmuifang ngaw erawh a dai ruih reng tho a. Sava hram ri leh a khat tawka thing chek ri ri tlak tlak thin tih loh chu thawm dang engmah hriat tur a awm lo.
A thingfawmsa chu a sirah a chhek khawma, thahnemngai takin thing dang a fawm zel bawk a. Pi Zuiliani tia koh, Lalzuiliani, kum 65 mi hi Hmuifang khuaa cheng a ni a, an thingtuah tur phur a ni. A ke bulah chuan a hreipui hrawl zet mai chu a let ngat a; hreiha hnum tha hlerh hlawrh takah chuan hreifang hriam zet mai chu an vuah a. Chu hreipui hmang chuan bátlangken (Croton lissophyllus) thing chu tang phel chen zeta seiin, tuah nuam tawk turin a ek a. Thing ai a nih avangin Kg 30 vel zeta rit a ni ngei ang.
A thing phurh a puah mek lai a a chempui vilik vel chu mit titlai tak a ni a, a hmang thang tih a chiang hle.
Hmuifang ngaw hi tuifinriat zawl atang metre 1600 zet a sang, Aizawl District chhung, Aizawl chhimlam 50 kilometre-a awm a ni
Zuiliani, kum 65 miin a thing fawma pat ek kai te chu thahnemngai takin a chempuiin a thel fai
A thingfawm chhek khawm saah Zuilianin thingfak khat a thehphei. A sira em a hunah chuan a kawr-par-senno chu a bang a
Thingfak a thawn mawlh mawlh karah a hmel lo lang det det a. Thingfaka a do khalh, a em sirah thutungin, Zuiliani chuan, uluk zet maiin thing a thawn mawlh mawlh a, awih pangah, kilometre khat zeta thui a phurh haw tur chu
Thingfak khat hum chungin Zuiliani a rawn hawi chhuak hlawl. A chal leh a mit ko chuar tap mai te chuan kum 60 chuang zet a nih zia a ti lang chiang hle a. A kawr hring hak leh a hnunga hnim hnah hring chu a inchawih hle bawk
A em, thingfaka a do chu, uluk zetin Zuilianin chuan a endik leh a. “LPG leina tur sum kan neih loh bakah an rawn sem khat lutuka...” tiin thing a phurh chhan a sawi
Amah chen zet tura sang, a thing thawn chu a rem thlap em tih a endik hnu chuan a hnam hrui chuan a em chu a vet a, a hnungzang leh a em chu
rem takin a chuktuaha
Zuiliani chuan a phur rit tak chu harsa lo tein a thawhpuia, a puan chu tukhum dam atan a zial mawlh mawlh bawk a
Zuiliani chuan chawhma chhunga a thingfawm te chu em khat thura phur chungin, khawchhung panna kawngtum a zawh a